கோடை

ஆழ்குழாய்கிணற்றின் உப்பு நீர் மொட்டைமாடி ஏறி 

வெதுவெதுப்பாய் குளியலறை குழாயில் ஒழுகுகையில் ,

வாசலில் அடிபம்ப்பில்  வந்த கார்பொரேஷன் நல்ல நீரால் நிரப்பப்பட்ட 

அலுமினிய வாளியில் இவர்களின் முதல் சந்திப்பு .

இருவரும் நீர்ச்சாதி  ஆயினும் வெவ்வேறு உட்பிரிவுகள் .

சிறுநொடிக்காதலை குலைக்க மானுடன் வருகை .

ஒன்றரக்  கலந்த இவர்கள் ஆறாம் அறிவின் அழுக்கை சுமக்கும் அவலம் ,

மணமணக்கும் செயற்கையான இயற்கை  நுரைகளில் மூச்சுத்திணறி 

சாக்கடைகளில் கலந்து முடிகிறது இவர்களின் காதல்.

இல்லை இதோடு முடியவில்லை , 

அண்ணன் ஆதித்தன் அணைப்பில் வெதுவெதுப்பை வளர்ந்த 

தங்கையின் நினைவாக மனிதர்களை பழிவாங்குகிறான் 

பிசுபிசுப்பான வியர்வையாய் .! 

#கோடை #குளியல்