தடை..!!

எதற்கெடுத்தாலும் தடை.!  தடை.! தடை .!
அன்று வர்ணத்தின் பேரில் பஞ்சமருக்கு தடை ,
இன்று நன்றாய் படித்தாலும் பார்பனனுக்கு சமஉரிமை தடை ,
மெய்யான திராவிட வரலாறு அறிய திராவிடனுக்கு தடை ,
குளிரூட்டி வேண்டும் கூடங்குளத்துக்கு தடை ,
காவிரி அன்னை எல்லை கடக்க தடை ,
தெலுங்கரின் பிளவினால் எதற்கெல்லாமோ தடை,
சில மாமிசக்கறிகள் மராத்தியர் நாட்டில் தடை ,
சில நாட்களுக்கு மட்டும் பலான படங்கள் தடை ,
எவனோ கிளப்பி விட மக்கி போன நூலடைக்கு தடை
தலைஅசைப்பும் கையொப்பம் தவிர முதல் குடிமகனுக்கு மற்றதெல்லாம் தடை ,
ஆண்கள் இல்லாமல் பெண்கள் வெளியே செல்லத் அரபு நாட்டில் தடை ,
ஹர்ரியெட் என்ற பெயர் ஐஸ்லாந்தில் தடை ,
சீன சொல் இல்லையெனில் பெயர் வைக்க சீனாவில்  தடை ,
மெக்டோனால்ட்ஸ் குழுமத்திற்கு பத்து நாடுகளில் தடை .
குடு மீன் வகை அமெரிக்காவில் தடை .!
ஐயோ பாவம் என் தோழி படிக்கச் சென்ற நாட்டில் கருவேப்பிலைக்கு தடை.
அவள் எப்படி செய்வாளோ மணமணக்கும் அடை .!

#என் தோழிக்கு சமைக்க கருவேப்பிலை கிடைக்கவில்லை என கவலை .

பாருக்குள்ளே நல்ல பாபா ..!

கண்மூடி திறக்கும் ஒவ்வொரு நொடியும் பலகோடி பொருட்செலவில் கண் மயக்கும் பல விளம்பரங்கள் தான் நம் வாழ்வை இன்று இழுத்துச் செல்கிறது .ஊடகங்கள் தங்கள் செய்திகளை இன்று விலைக்கு கூவி விற்றுகொண்டிருகின்றன .ஊடகம் கண்டுகொள்ளத , விளம்பரங்கள் இல்லாத ஒரு மிகப் பெரிய சமூகம் யாரும் நினைக்க முடியாத அளவுகளில் கோடிகளில் சம்பாதித்து வியாபாரம் செய்து கொண்டிருகின்றன .

யார் அவர்கள் . நமக்குள் சட்டை பாக்கெட்டில் ஒருவராய், நம் வீட்டுசுவர் சித்திரமாய் , பணமுடிச்சுகளின் ஆசிர்வாதமாய் , வியாதிகளின் மருந்துகளாய், கார் வண்டிகளில் தொங்கும் பொம்மைகளாய் , புத்தக பக்க குறியீடுகளாய் , திரு திரு திருவாளர்கள் , பிரம்மானந்தத்தை விட காமெடியில் கலக்கும் ஆனந்தாக்கள் இவர்கள் . நம் பாபாக்கள் . இங்கு இவர்களுள் நடக்கும் அருமையான போர் தான் , பாருக்குள்ளே நல்ல பாபா .

பாட்டி வைத்தியம் பழையது என்றும்  பாபா வைத்தியம் புதிது ஊர் சொல்லி கேள்வி . கண்மூடி கையில் சாம்பல் கொடுத்தால்  தீர்க்கும் புற்றுநோய்கள் ஏதோ இப்போ இந்தியாவில் பரவுகின்றது . வெள்ளை ஜிப்பாக்கள் 'கச கச கச கச' என புனித நீர் தெளித்து, உடம்பினில் இருக்கும் 274 வியாதிகள் தீர்வதை பார்த்தால்  'எல்லா வியாதிக்கும் ஒரே மருந்து ' என நடிகர் விவேக் பட காமெடி தோற்றுவிடுகிறது .

சமத்துவத்தை காண முடிகிறது இந்த நகைச்சுவை நாயகர்களிடம் . சமயம் கடந்து எல்லா வகையிலும் இவர்கள் சுற்றி திரிகிறார்கள் . 5 ஆண்டு காலம் அரசியல் வாதிகளும் ஓய்ந்தாலும் , அவர்களையும் தாண்டி சீயான் விக்ரம சொல்வது  போல் 'அதுக்கும் மேல' இவர்கள்.

'தனது வாழ்வின் லட்சியத்தைக் குறித்த விழிப்புணர்வு இல்லாதபோது, தனது அடையாளம் குறித்த விழிப்புணர்வு இல்லாதபோது, தேசத்திற்கு எதிரான சக்திகள் நாட்டின் உள்ளும் புறமும் இருந்து ஏற்படுத்தும் ஒவ்வொரு தள்ளுமுள்ளுக்கும் உள்பட்டு தனி ஒரு  மனிதனோ / ஏன் தேசமோ தனது பாதையிலிருந்து விலகி விலகிச் செல்வது வெளிப்படையானதே.' இதை எங்கோ படித்திருக்கிறேன்


இன்று இந்த அணைத்து சமய குருமார்களும் அழகான வரையறுக்கப்பட்ட திட்டங்களுடன் செயல் படுகிறார்கள்.  வழிதவறி வந்த வாஸ்கோ ட காமா கூட அற்பமாய் நம்ம நாட்டு தானியங்களும் மசாலாக்களும் தான் திருட வந்தான் என வரலாறு உண்டு . அவனை போல் வடஇந்தியாவில் பொட்டலங்கள் பன்னாட்டு விற்பனை இவர்கள் நடத்துவதாக வதந்தி .

ஒரு காணொளியில், ஒரு டம்ளர் தண்ணீர் வைக்கிறார்கள் . அதனை வீடியோ எடுக்கிறார்கள், அதன்  மூலக்கூறு இயக்கத்தை பதிவு செய்கிறார்கள். நீர் மூலக்கூறுகள் என்பதால் அவை சிதறிகிடக்கின்றன
அடுத்து தான் நாம் மிகவும் எதிர்பார்க்கும் , இந்தியாவிலேயே , உலகிலேயே முதல் முறையாக , திரைக்கு வந்து.. அயய்யோ இல்லை, முதல் முறையாக  நம் நாயகர் ஒரு பிரபல சுவாமிஜி வருகிறார் . கண்ணை மூடி அந்த டம்ப்ளரை ஆசிர்வதிக்கிறார் . அய்கோ என்ன ஆச்சர்யம் வானம் பொழிகிறது , பூமி விளைகிறது .. இவர் அல்லவோ மகான் . நீரின் மூலகூற்றினை பார்த்தல் , அனைத்தும் ஒன்றின் பின் ஒன்றாக  வரிசையாக இருக்கிறது . விஞ்ஞானி அவர் கால்களில் விழுகிறார் .

அந்த புனித நீருக்காக ஆசிரமத்தில் கோடிகணக்கானோர் . அந்த ஆச்சர்ய ஆசாமி இன்று ஜாமீனில் இருப்பது வேறு கதை . சட்டம் வேறு சமயம் வேறு . மக்கள் நம்புகின்றனர் , மக்கள் குறைகள் இங்கே உருவாக்கப்பட்டு தீர்த்துவைக்க படுகிறதை அவர்கள் இன்னும் உணரவில்லை .

முக்கிய செயற்கைக்கோள் சேனல்கள் இவர்களின் விடியற்காலை முதல் விளக்கணைக்கும் வரை கேள்வி பதில் நிகழ்சிகளை ஒளிபரப்புகின்றனர் . மண்ணாசை முதல் பெண்ணாசை வரை , பல் வலி முதல் பிரசவம்
வரை , ஆன்மீகம் முதல் அரசியல் வரை, போஸ்டர் சண்டை முதல் பம்புசெட்டு சண்டைகளுக்கும் கூட இவர்களால் நிவாரணம் குடுக்க முடியும்.


இந்திய கடவுள்கள் பரவாயில்லை குடிசை யோகிகளை அரண்மனை யோகிகளாய் மாற்றுகிறார்கள் , வெளிநாட்டு கடவுள்கள் இந்த தூதர்களுக்கு விமான பரிசெல்லாம் கொடுக்க சொல்கிறார் என முகபுத்தக பதிவுகளில் பார்க்கமுடிகிறது .

கறுப்புபணப் புழக்கத்தின் புகலிடம் இவர்கள் தான் என்று நான் சொல்லவில்லை.  தேசங்கள் கடந்து எல்லா குறுந்தீவுகளில் இவை அழகாக  அடுக்கி வைக்கபட்டிருக்கலாம்  என்று யாரோ சொல்லி கேள்வி .

பல்லாயிரம் ஆண்டுகளாய் இறை வணக்கம் செய்யும் மக்களுக்கு இவர்கள் அப்படி என்ன தான் சொல்லிதருகிறார்களோ. தமிழ் திரைப்பட அமெரிக்க மாப்பிள்ளை போல கடைசியில் வெறும்கையுடன் திரும்புவது என்னவோ நம் மக்கள் தான் .

ஆனந்தம்..!  பரமானந்தம் ..! 

முதல் ஒப்பாரி

நான் கண்விழிச்சு பாக்கயிலே , அய்யா நீர் கண்மூடி கிடப்பதுவா ,
நாடு கண்ட கனவெல்லாம் இப்போ, உன்னோட உறங்குதைய்யா .

செய்தித்தாள் நிதம் வித்து , அப்பனுக்கு உதவி செஞ்ச ,
பாரெல்லாம் உன் சாதனைகள்  , இப்போ தினம் செய்தியா பேசுதைய்யா .!

வானோடி தேர்வினிலே,  நீ தோத்து போனாயே ,
பாரத தேசம் மொத்தம் , வான் உயர பறப்பதற்கோ ..!

இராப்பகலா அசராம ,செயற்கைக்கோள் நீ பறக்க விட்ட
அப்படி ஓர் சோதனைக்கோ , இப்ப  நீயும்  போயிருக்க ??

வீரமெனும் திட்டத்தால் , ப்ரிதிவியை பிறக்க வெச்ச ,
கண்டம் விட்டு கண்டம் போய் , அப்பிசாசத் தான்  தேடுறியோ ?

மொதல் குடிமகனா இருந்தாலும் , மன்னவனா திகழ்ந்தாயே ,
மன்னவனா இருந்தாலும் , வெறும் குடிமகனாய் திரிஞ்சாயே .!

அக்னிச்சிறகுகளால் நம் பயணம் , இந்தியத்திட்டமய்யா .!
உன் வெளிச்சத் தீப்பொறிகள்,  ஆயிரம் ஆண்டு காலத்துக்கோர் பார்வையையா,

நில மகளின் நிலைமையை, நீ மேடையிலே பேசயிலே
நிலமகளே வந்துன்னை , கூட்டிகிட்டு போனாலோ .

கண்ணியமான உன் கனவெல்லாம் , கலப்படமா போயிடுமோ
கனவானே கண்மணியே , ஏதும் கோள் பிடிச்சு நீ  வருவாயோ .!

நான் கண்விழிச்சு பாக்கயிலே , அய்யா நீர் கண்மூடி கிடப்பதுவா ,
நாடு கண்ட கனவெல்லாம் இப்போ, உன்னோட உறங்குதைய்யா .

நாடு கண்ட கனவெல்லாம் இப்போ, உன்னோட உறங்குதைய்யா .



#கலாம் கனவுகள்

சிங்கபுரத்து பக்கங்கள்

சிங்கபுரத்து பக்கங்கள்

வணக்கம் ,

இந்த பதிவு எதை பற்றி  பேச போகிறது என பார்த்தால் , எதுவும் இல்லை.

இங்கு சிங்கப்பூரில் நான் சுற்றும் போது  தோன்றிய சிலவற்றை உங்களுடன் பகிர போகிறேன் .

சுரங்கரயில் நிலையத்தில் இருந்து ஏறி வெளிய வந்தேன் . மிக அழகான நெடுஞ்சாலை . வலப்புறம் அரசுக்கு உட்பட்ட 100 வருட பழைய கோவில்.
நல்ல வேலை நம் ஊராக இருந்தால் அங்கு ஒரு சாமியார் மடம் நிறுவி, அதில் ஆயிரகணக்கான பக்தர்கள் பல வித பிரார்த்தனைகளை செய்து கொண்டு இருப்பார்கள் . போதா குறைக்கு வயதாகி விட்ட சாமியார் தன மந்திர பலங்களை தன்னுடைய மகனுக்கோ சிஷ்யனுக்கோ வார்த்து கொடுத்திருப்பார் . இங்கு அப்படி ஏதும் நடக்கவில்லை

அத்திசை வேணாம் என எதிர் திசை நோக்கினேன் . சற்று தொலைவில் பச்சை புல்வெளி கண்ட வீட்டுக்கன்றுகள் போல் பெரும் கூட்டம் திரண்டு இருந்தது . நெருங்க நெருங்க சிங்கப்பூரின் அனைத்து சாலை விதிகளும்  மீறப்படுவதை உணர்ந்தேன் .

குறுக்கும் நெடுக்கும் மக்கள் கூட்டம் அலைமோதியது. கூடாரங்கள் அமைத்து ஊருக்கு அலைபேசியில்  பேசும் வசதிக்காக மக்கள் வரிசையில் காத்துக்கிடந்தனர் . அயல் நாட்டுக்கு பணம் அனுப்பும் இடம் என அங்கங்கே சிறுகடைகள் .

சிலர் குழுமி இருந்து கையில் டைரி வைத்திருந்த ஆசாமியிடம் தங்கள் கணக்கை கழிக்கும் படிகேட்டனர் .

இது என்ன ஆயிரம் ஆண்டுங்கள் பின்வந்து ஏதேனும் கங்காணி கூட்டத்தில் மாட்டிவிட்டோமோ என உள்ளூர பயம். சுமார் ஒரு கிலோமீட்டர் வட்டத்தில் இவை அனைத்தும் நடந்தேறிக்கொண்டிருந்தது .

அருகில் இருந்த நண்பனிடம் கேட்டபோது தான் தெரிந்தது அது நம் ஒன்று விட்ட சகோதர தேசம் , இல்லை
நாம் அன்று (1947) விட்ட அண்டை சகோதர வங்கதேசத்தவர்கள் என்று . இப்படித்தான் 100 ஆண்டுகளுக்கு முன்பு நம் மக்கள் வந்திருப்பரோ ? (பின் வரும் பகிர்வுகளில் அலசுவோம் )

 விட்டால் போதும்  என அகன்று சந்துக்குள் ஆனந்த பவனில் தோசையோடு அமர்ந்தேன் . அருகில் இந்நாட்டில் குடியேறிய நம் நாட்டு தம்பதியினர் . திராவிடனின் நிறம் மறைக்க வர்ணம் பூசப்பட்ட அம்முகங்கள் சற்றே நெருடியது. நம் மக்கள் என பார்வையோடு புன்முறுவல் உதிர்த்தேன் .

அவர்கள், பேசிக்கொள்கிறார்கள் "ஊர் காரங்க போல, விடுங்க . எல்லாரும் வராங்க போல இங்கயும்  ". ஆம் அய்யா , ஊர்க் காரர்கள் தான் . நீங்களே பிரித்து பாருங்கள் . இதனால் தான் பாரெங்கும் நாம் நன்கு ஒடுக்கபடுகிறோம் . நம்முள் இருக்கும் பிரிவினை தான் நம்மை இப்படி பாடாய் படுத்துகிறது . எங்கே சென்றது நம் ஈகை, கொடை, நட்பு, விருந்தோம்பல் பண்புகள் .

மனச்சுமையுடன் வீடு நோக்கி பயணித்தேன் . ஞாயிறு மறைந்து திங்கள் பிறந்தான் .

மேலும் சிங்கபுரத்து பகிர்வுகள் விரைவில் .
புகைப்படத்தோழர் ஜெயநாதனுடன் சௌம்யன்

** வாசக தோஷஹா ஷந்தவ்யஹா *

கடாரத்தில் கடவுள்.!

'வரிசையில் வரவும் ', 'சத்தம் போடாதீர் ' எனும் அட்டைகளுக்கு
அவசியம் இல்லாமல் வரிசையில் மௌனமாய் மக்கள் ,

ஆலயத் தூய்மை ஆண்டவன் சேவை என
கடல் கடந்த பின் உணர்ந்த குடிமகன்கள் ,

இலவச , கட்டண , சிறப்பு தரிசனங்கள் அறியாத
இந்நாட்டின்  சமய அறநிலைத் துறை ,


பளிங்குக் கற்களின் நடுவில் புன்னகைக்கிறான் கடாரத்தில் கடவுள் ,
புளியோதரை தேடும் புறாக்களை பார்த்து.!

Silence

‘India’s Daughter’, embarrassment for government?  Did you ban for that?

Let people watch it.

Look back,

We had our ‘Father of nation’ assassinated.

We had our youngest prime minister assassinated in front of lakhs of citizens

We had a women Opposition party leader almost disrobed inside state Assembly by then ruling MLA’s

We have elected representatives watching porn inside assembly.

We have a (longest list) dedicated wiki page for list of corruptions, http://en.wikipedia.org/wiki/List_of_scandals_in_India

If all these are not embarrassment to our government, how can this be?

It’s a shame that the authorities in India don’t want it to be shown.

Let world know the mentality of uneducated men and some wrongly educated lawyers on 'What is Woman'.

You have an option, Better blame the opposition as it the way ruling party always silences the media.

If its really a video as said by Udwin ‘an impassioned plea for gender equality’ Good.

But by telecasting this, is this foreign media trying to brand India as unsafe place for women?

If so, guys please.

How cheap of you to go and interview a rape convict. And you publicize your show with a trailer of his speech. 

U had your own TV presenter sacked by the after he was linked to a sex and drugs scandal. 

Sexual allegations about your 81 staffs have been reported since the Jimmy Savile scandal came to light.

Your own National parliament has criticized the corporation for mishandling of issues.

Your corporation apologized to The Queen for making controversial remarks.

Just don’t do all these for your stupid TV Ratings to increase, there is lots of shit to clear in your back.

 Jai Ho..!

ஹைக்கூ வரலாறு

தேனித் தமிழ்பேரனின் டாஸ்மேனியக்  காதல் ,

வசிட்டரின் வீட்டு வாரிசுடன்  

- ஹைக்கூ வரலாறு

நாளை நமதே

வண்ணங்கள் இல்லை எந்தன் வாழ்வில் ,

    தினமும் நான் தோற்கிறேன் ...!!

காயங்கள் மட்டும் தான் கடவுள் வரமா ,

  புது உலகை எதிர்பார்க்கிறேன் ...!

கடவும் களவானதே ,

கனவுகள் இருளானதே ..!

தேடியே உதிர் சருகாகின்றேன் ,

அறிகிலேன் திசைகள் தான் .!

வண்ணங்கள் வாழ்வில்லை , 

  நல்  எண்ணங்கள் வழிகாட்டும் 

எதிர்கொள் துணையோடு 

நாளை உனதே ..!

கால்கள் கட்டுண்டால் 

கைகள் சிறகாக்கி 

கடவின்றி பறந்தோடு ,

இப்பாரும் உனதே .!

கல் வலியில் அழுதால்  சிலையும் உண்டோ ,

கலங்காதே 

காலம் கனியும் .!

விழுப்புண் இல்லா வீரனும் இல்லை 

  எழு ..! நட.! மீண்டும் .! பறந்தோடு

மீன் அவன்

கனவிருளோ , விட்டு  மெல்ல மெல்ல வேலகுது..
புது விடியல் , நிதம் புது பக்கமாவ மாறுது
ஏ புள்ள  பொஞ்சாதி , நான் கடலுக்குள்ள போவையிலே ,
பயந்தோடி , இப்போ நீ பழக்க பட்டுகிட்ட புள்ள ..!


கடலுக்குள்ள போவையில , கட்டுமரப்பாதையில
கட்டினவன் தாலியத்தான் , கையில் வெச்சு நிக்கும் புள்ள .!
கட்டினவ  கவலையெல்லாம் , கட்டுமரம் வீடு வர .
கடலே  கடவுளுன்னு, வேண்டிக்கிட்டு பொழப்ப பாக்குறோமே ..!

தேடி போகும் வாழ்க்கை இது , எல்லைகொண்ட தேடல் இது ,
எல்லை தாண்டி வல விரிச்சா ,சிக்குற மீன் அவன் தான்,
வரையறை இல் கட்டுப்பட்டு , நெறிமுறையா வலை விரிச்சும்.
விதிவகையில் வெறும் கய்யா பல முறைகள் திரும்பி வந்தோம்.

காத்தடி காலமுன்னா ,நாங்க காலொடஞ்சு போயிருவோம் ,
பேய்மழை  பொய்யாவத்தான், எல்லாரும் ஊர் கூடி வேண்டிருவோம் ..!
சுழக்கு காவுதந்து ,பதிலுக்கு மீனு தந்து ,
கடலோட போட்டியில வெற்றி தோல்வி மாற்றமுண்டு .
நடுக்கடல் பண்பாடு ,நாங்க மட்டும் தான் அறிஞ்சோம் .!
உசுர் கொடுத்து பசி தீக்கும் ,கடல் ஆதிகுடி நாங்க கண்டோம்,!

வலை மீனுக்கு நான் விரிக்கையிலே, கடல் எங்களுக்கு விரிகுதைய்யா ,
ஒரு பேரலையா மூழ்கடிச்சு , ஊர் ஓரம் ஓதிக்கிவிடும்
துப்பாக்கி எச்சில் பட்டு , கடல் தூர்வாரி எரிஞ்சுபுடும் ,
உசிர் விட்டு திரும்புறது மீனோ , இல்லை அவனோ,
ஒரு சீவன்ஏறப்புகுள்ள , ஒரு சீவன் பொழக்குதையா..!

இருளு வெலகுதைய்யாயாயா ,கடலு வெளுக்குதையா யா ..!
கண்ண தொறக்க சொல்லி ,பகலவரு வந்தாரயய்யயா ...!
நேரம் தவறாம ,  நெதம் பொழப்ப பாக்கச்சொல்லி ,
கடமை தவறாம ,நம்ம எழுப்ப வந்தாரய்யா ..!

விழிகள் பேசும் மொழியில் - எனை சாய்த்தாளே .!

விழிகள் பேசும் மொழியில் நானே
புது கவிதை ஆகின்றேன் .!
கவிதையில் பார்த்த பொய்கள் உன்னில்
தானே மெய்யாய் காண்கின்றேன் ..!

இரவும் , பகலும்.
என் நிழல் போல் வந்தாயே .
இமை , நொடி,கணம்
உயிராய் பயணிப்போம்

விழியும் , இமையும் .
இணை பார்வையை போல் ஆவோம் .
கடல், அலை, மணல் ,சுழல்,
கலந்தோர் உயிராவோம்

தோள் சாய்கிறேன் , நிழல் காய்கிறேன் ,
நாம் சேரவே , நிதம் விழிக்கிறேன்

கனவோ , நனவோ
இருக்கட்டும் , நாம் இணைவது நடக்கட்டும்

முகிலும் நிலமகளும்
மழைத்துளியால் இணைவது போல்

உன்னோடு பயணிக்க ,
தடமெல்லாம் பிழைசெய்து
நடப்பதுவும் அறியாமல்
உன்னுடனே நிற்பதுவோ .

நான் போகும் சாலைகள் ,
நாமாக தெரிகிறதே ,
பயின்றது உன்னுடன் தான் ,
என்பது தான் காரணமோ .

இருவிழிகளில் பேசிய ரகசிய கவிதைகள்
இதயத்துள் கசிந்ததுவோ ,
என் மனதினில் வருடிய அழகிய பனித்துளி
அடிவேரினை சேர்ந்ததுவோ

கைக்கோர்த்த நினைவெல்லாம் ,
சலனங்கள் அழியாதோ .

உன்னுடன் இருக்கையில் பெண்மையை மறக்கிறேன் ,
நிதம் நிதம் தவிக்கிறேன் .

வெயிலும் மழையும்
இணை வானவில் போலாவோம்
எனை உனை கரம் மனம்
ஒன்றினில் ஒன்றாவோம்

பிழை செய்கிறேன் , உனை ரசிக்கிறேன் ,
நட்பிலே துளி விஷம் கலக்கிறேன் .

மலரும் முள்ளும்
சார்ந்தே இருப்பது போலே ..!


விழிகள் பேசும் மொழியில் நானே
புது கவிதை ஆகின்றேன் .!
கவிதையில் பார்த்த பொய்கள் உன்னில்
தானே மெய்யாய் காண்கின்றேன் ..!

மின்வணிக மோகம் ..!

கிழமைக்கொன்றாய் வண்ணக்காலணி ,
உடன் ஜோடிக்கிளியாய் பதமானக் காலுறை ,
பாதவிரல் உரசும் மெல்லிய மெட்டி ,
கணுக்கால் அணைக்கும் வெள்ளிக்கொலுசு,
முழங்கால்வலிக்கு தென்னமரக்குடி எண்ணெய் ,
வீண்கொழுபடக்கும் மின்தொடைசுருக்கி ,
தீராப்பசி தீர்க்கும் வாச மிகு குறிஉறை,
சுழற்சி செலவாய் விடாய் அணையாடை ,
வண்துணி மேல் எட்டிப்பார்க்கும் ஒளிர்வு உள்ளாடை ,
கால்குழாய்களின் காவல், தோல் இடைவார் ,
உதரம் குறைய பல ஆயிரம் உண்ட கருவி,
காற்றினில் எப்போதும் மார் மறந்த துப்பட்டா,
தாய்ப்பால் மறக்கடிக்கும் போலி முலைப்புட்டி ,
விளம்பரங்களில் மட்டும் பெண்ணை மயக்கும் கமகம் ,
விரல்களின் முத்தங்களுடன் உறவாடும் கைப்பேசி ,
நினைவில் நில்லா வகை ஆயிரம் ஆரங்கள் ,
திரை நாயகன் போல் மயிர் மழிக்கும் சவரக்கத்தி ,
பயோரியா மறந்து பளபளக்க பற்பசை ,
வடிவங்கள் இவைதான் என வகுப்பெடுக்கும் காதணிகள் ,
கலர் பார்வை மறைக்கும் கருப்பு கண்ணாடி,
அமேசான் காட்டிலிருந்து அரிய வகை தைலம் ,
படித்து வேலைக்குப் போகும் தனக்கு அடங்கும் மணப்பெண் ,
லட்சங்களாய்  மேல்நாட்டினில் சம்பாதிக்கும் வயதாகா மணமகன் ,
குடும்பப்பாங்காய் விவாகரத்தான இரண்டாம்தாரங்களென,
உச்சி முதல் பாதம் வரை வீட்டிலியே விலைக்கு வாங்க ,
மின்வணிக மோகத்தினால் நாம் உழல்கின்றோமே ..!!

அவன் அவள் அது

இன்றைய நவநாகரிக குடும்பப்பெண்ணின் கழுத்தில் தொங்கும் மூன்று கயிறுகள்(headphones,id card tag,தாலி) தங்களில் யாரால் பெண்ணுக்கு பெருமை  என தற்புகழ்ச்சியுடன்  வெளிநாட்டில் வேலை  செய்யும் கணவனிடம் வாதிடுவதாய் கற்பனை​.

ஊரு செய்தி கேக்கலியோ ,
   ஊட்டு செய்தி பேசலியோ ,
உதட்டு சத்தம் உச்சு கொட்ட,
  கடல கடந்து போவலையோ.!

ஆத்தா வெச்ச மீன் கொழம்பும் ,
  கொடி அந்து  துணி விழுந்த சேதி ,
வாய் திறவா  காத்து வழி ,
  மேல் நாட்டுக்கு போவலியோ ..!

ராசா பாட்டும் லேசாக ,
 இராப்பகலா ஒலிக்கலியோ ,
ராத்தூக்கம் கெடுத்துப்புட்டு,
 உன் சீண்டலுக்கு சினுங்கலியோ ..!

மஞ்ச கயிறு அழுக்காகி மணமிழந்து  போனாலும் ,
 வேலை போயி கருப்பு கயிறு ஆணி மேல கெடந்தாலும் ,
உன் மனசு ஏலக மாமன் கிட்ட மணி கணக்கா நீ பேசயில
 கழுத்தனைச்சு காதோரம்  கலர் கலரா நான் இருப்பேன்  .! (காதொலிப்பான்/headphones)

குறை கழுத்தாய் தங்கமவ ,
  உள்ளுக்குள்ள ஒளிஞ்சுருக்க ,
சான் இல்ல மொழ நீளம்,
 ஊர்பேரோட தொங்குறேனே .!

நம் பெண் உரிமை  அடையாளம்னு,
  பேர் போட்டு பெரும சொல்ல ,
தனி மனித சுதந்திரம் நு ,
  தேசபிதா கனா பலிக்க ,
கள்ளிப்பால் செடியெல்லம்,
  கார்பரேட்டு தோட்டமாக ,
தாய்வீடும் புதுவீடும்  பெண்  பெருமை பேசுதையா .!

நூறாண்டு  பின் போயி ஒருத்தி ,பழம் பெருமை பேசயிலே ,
ஊதாரி போல் ஒருத்தி ஆட்டம் பாட்டம் போடயில ,
நான் மட்டும் பெண் இனம் உசந்துனிக்க வெக்கேனே ,
தலைநிமிந்து ஊருக்குள்ள செருக்கோட போறேனே .! (id card tag)

இரு மனசு இணையையிலே ,
  ஊர் சேர்ந்து வாழ்த்தையிலே ,
ஒத்தை கயிறு பெருமைய ,
  நீ கண்டு கொண்டிருப்ப.

ஊர் பேச்சு உனக்கு அவ சொன்னாலோ ,
 ஊர் போற்ற பெண் ஆனாலோ ,
உன் குறி என் மாரில் தாங்கி ,
 உன்னை மட்டும் நெஞ்சில் சுமக்கேனே ,

காசு விட்டெறிஞ்சா கலர்கலரா வாங்கிக்கலாம் ,
லட்சரூவாக்கு புதுசா பட்டம் கூட சேத்துக்கலாம் ,
அக்கவுறு அந்தா, இன்னொன்னு  புதுசா மாறுமைய்யா ,
இக்கவுறு அந்தா என் உசுரும் உடன் போகுமைய்யா .!!    (தாலி)


-- 

Have your bathing soap ever fell down?

It was a cold shower this morning as early as 5.30AM IST. Ears were seasoned to the traditional voice of MS.Subulakshmi’s ‘Wake up Venkatesa’ album and murmuring the same from bathroom. It was then; I realized that my bathing soap has fallen. With Eyes full of peers and it made the Indiana Jones in me to search and recover it back.

Moment my hand started to explore paths of the hidden soap, my thoughts ran across the continents and flushing al their histories.

Central America had seen the fallen empire of Mayans who were advanced mathematicians and architectural geeks  as early as 300AD.

 Vast Roman Empire established by Caesar Augustus was fallen by the invaders from all directions in 476AD.

Austro-Hungarian Empire that included the lands of races such as the Czechs, the Hungarians, the Slovaks, the Poles, the Bosnians, the Serbs fell after First world War

Little Boy and Fat Man fell and in sleeping cities of Hiroshima and Nagasaki forcing the end of World War II.

The Korean Empire fell in 1910,  the Japanese Empire in 1947,  The French colonial empire in 1980 and the British Empire in 1997.

British Empire that colonized countries like South Africa, Kenya, Egypt, Hong Kong, India, Iraq, Nepal Singapore, Malta, Australia, New Zealand and Canada was fallen by the continuous struggle for independence from the respective countries.

Slavery fell and traces of democracy came alive in African empires after 19th century

A Meteor fell and exploded over the Siberia released more than 30 times the explosive energy of the Hiroshima bomb.

Greece known for its education, philosophy, science etc was completely fallen in 2012 due to complete economic collapse.

Polonnaruwa meteorite fell on Srilanka but went little noticed as Tamilian race was completely made to fall in same place at the same time.

The King of Pop ‘MJ’ fell as he was dogged by child sex abuse allegations, two failed marriages, drug addition and bankruptcy.

Dramatic falls of Tiger woods, Oscar Pistorius and Lance Armstrong, made us recalibrate our definition of the sports hero.

IMF chief Dominic Strauss-Kahn fell from great heights following his sexual assault arrest.

Rupee peeped to 69/dollar; posted biggest day fall in 18 years.

Jennifer Lawrence falls as she climbs the steps to accept her Best Actress Oscar2013.

What ever happens to the world, still 6 out of 10 guys/girls fall in love daily..!

Came out of the bathroom with a worldly shower experience and slept off singing ‘London bridge is falling down’ :-p .

Hope my soap doesn't fall again and spoil my day.

நிறை

கண்முன்னே ஆடும் பல வண்ணத்திரைகள்,

மிரட்சியோடு ஓடும் மனக்கற்பனைக் குதிரைகள்,

அடங்காமல் கரைமோதும் நீலக்கடல் நுரைகள்,

கண்சிமிட்டும் நேரம் தனில் அவள் கார்குழலில் நரைகள்,

கை அளவன்றோ என் ஆயுட்குறைகள்,

உலகளவன்றோ நம் வாழ்வில் நிறைகள்

குறை மறந்து நிறை நினைத்தால் நீளும் நம் வாழ்நாட்கள்..!


 

சுகமான சோகங்கள்

காதல் ஒரு அழகான உணர்வின் பெயர் ,
           காதலி உணர்வற்ற ஓர் அழகிய உயிர்,

காதல் என்பதோ முற்றுமாய் மெய்,
          காதலி என்பவள் முழுவதுமாய் பொய்,

காதல் அழகான உணர்வுகளின் மிகுதி,
          காதலி சுகமளிக்கும் உணர்வுகளில் ஒரு பகுதி,

காதல் - ஆண் மனம் லயித்த இன்பம்,
          காதலி தான் மனம் கசந்த துன்பம்,

காதல் அழிவதில்லை கலங்காதே மானிடா,
        காதலி நிலைப்பதில்லை கவலை உனக்கு ஏனடா ?!!

நடுநிலை

அட்டைப்பெட்டி அடுக்குகளாய் பல மாடிக்கட்டிடங்கள்,

கத்தை நோட்டுகள் கட்டிக் காப்பவனும் ,
கந்தல் வேட்டிகொண்டு காலம் கழிப்பவனும்,

நிதி மிஞ்சிய கோலம் வீட்டினுள் நீச்சல் குளம் ,

விதி கெஞ்சும் அவலம் வீடுகளின் இடையே கழிவுக்குளம்,

பாவம் என்று அரசளித்த ஹௌசிங் போர்டு ஒருபுறம்,போனால் போகட்டும் என ஆசையாய் பரிசளித்த ஹௌசிங் வில்லாக்கள் மறுபுறம்,

நன்மையை நடுநிலையை பகிர்ந்தளிக்கும் கடவுளுக்கு நன்றி ,
என்னை நடுத்தரமாய் படைத்து இதனை காட்டியதற்கு..!

காதல் நட்பு

நட்பினில்
அன்பென்னும்
இன்பத்துப்பாலின் மிகுதி,
சுவையான   வெளிர்    நுரையாய்
--  கபடமில்லா காதல்
 என்னுள்ளும் உன்னுள்ளும்..!

காதல் காளான்

இஷ்டமாய் உடன் சுற்றிய நட்பெனும் ஆலமரமும்,
கண்ணில் இருந்து
சிலநேரம் மறைக்கப் படுகிறது,

புதியதாய் காதல் காளான்
கால்சுற்றி முளைப்பதனால்..!

கேட்டால் கொடுத்த பூமி(2)

விஞ்ஞான வளர்ச்சியில் சுழலும் ஞாலம்,
            அஞ்ஞான முதிர்ச்சியில் கிட்டும் மெய்ஞானம்,
நேர்வழிச்செல்ல அறிவியல் நல்வழிகள்,
           தீவழிச்செல்லும் அறிவிலிப் பேர்வழிகள்,
செய்வதறியா ஸ்தம்பிக்கும் எட்டுத் திக்குகள்,
          செவ்வனே நிகழும் கொடும்பாவித் தீங்குகள்,

நல்லதை நாடியே நகரும் சிலப் பேதைகள்,
         நல்லதின் பேர்சொல்லிப் பேரின்பா போதைகள்,

நியாயத்தராசில் காலியாய் இருதட்டும் ,
        அநியாய எடைக்கற்கள் அதன் மீது கரை முட்டும்,

மனிதனே என்னை நீ மறந்திடவும் வழியுண்டோ,
         பூமகளும் பூமகளாய் வாழத்தான் வழியுண்டோ

கேட்டால் கொடுத்த பூமி(1)

இருட்டு என்றாய் ஆதவன் கொடுத்தேன்,
    வெயில் என்றாய் வனங்களை கொடுத்தேன்,

தாகம் என்றாய் நதிகளை கொடுத்தேன்,
   தனிமை என்றாய் உடன் மற்றினங்களை கொடுத்தேன்,

சிந்தனை என்றாய் ஞானம் கொடுத்தேன்
  மறதி என்றாய் விஞ்ஞானம் கொடுத்தேன்,

ஞானம் வளரவும் , ஞாலம் பெருகவும் ,
கொடுத்ததை எல்லாம் முற்றுமாய்க் கெடுத்தாய்,

செய்வது சரியா எனக் கடல் சீற்றமாய்க் கேட்டேன் ,
நான் 'மனிதன்' என்றே உரக்கச் சொன்னாய்,

நன்றி மறப்பவன் மனிதன் என்பது அனைவரும் அறிந்தக் காலச்சுவடு.
பூமியை மட்டும் பூமியாய் வாழ, மறந்தே போயும் சிறிதாய் வழிவிடு :(